CDN लाई धेरैजसो सोधिने प्रश्नहरु

  • सि.डी.एन् को अर्थ के हो ?
  • सि.डी.एन् को उद्देश्यहरु के-के हुन् ?
  • मैले डाटामा भरेका जानकारीहरुलाई के गरिन्छ?
  • मैले सि.डी.एन् सेवाहरुलाई किन विश्वास गर्ने?
  • तपाईले प्रदान गर्ने सेवाहरुको गुणस्तरमा कसरि विश्वस्त हुनुहुन्छ ?
  • के तपाईले वास्तवमै व्यक्तिगत चाहना र क्षमताहरु पत्ता लगाउन मद्दत गर्नुहुन्छ? 
  • तपाईले वितिय अर्थव्यवस्थापन कसरी गर्नु भएको छ ?
  • यो संस्था वा कार्यक्रमको सुभारम्भ कसले र किन गरेको हो ?
  • यदि, तपाईको सेवाहरुबाट सन्तुष्ट हुन सकिन भने के मैले मेरो पैसा फिर्ता पाउछु ?
  • किन तपाईको सेवाहरुलाई पैसा तिर्नु पर्दछ ?
  • तपाईका सेवाहरु किन यति धेरै महँगा छन्?
  • यो सेवाहरु पैसा तिर्न कसरी योग्य छ ?
  • सामाजिक व्यवसायको अर्थ के हो ?
  • करियर (वृति) परामर्शले कसरि काम गर्छ?
  • के का लागि मलाई करियर (वृति) परामर्श आवश्यकता छ?
  • करियर (वृति) परामर्शको लागि तपाई किन योग्य हुनुहुन्छ ?
  • कसरि तपाई करियर (वृति) वा शैक्षिक कन्सल्टेन्सी भन्दा फरक हुनुहुन्छ ?
  • मैले करियर (वृति) परामर्श गरे पश्चात के पाउछु ?
  • के करियर (वृति) परामर्श एक पटक गरे मात्र पुग्छ ?
  • के तपाईले मेरो लागि पेशा छनोट गरिदिनुहुन्छ ?
  • के तपाईले मलाई विश्वविद्यालयमा आवेदन पत्र लेख्न सहयोग गर्न सक्नुहुन्छ ?
  • व्यक्तित्व मूल्यांकन (Online Assessment) पछी व्यक्तिगत कोचिंग (परामर्श) सत्र किन आवश्यक पर्दछ ?
  • अनलाईन व्यक्तित्व मूल्यांकनको परिणाम बाहेक मैले तपाई बाट अरु के कुरा प्राप्त गर्न सक्छु ?
  • व्यक्तिगत कोचिंग (परामर्श) सत्रमा मैले कुन-कुन विषयमा कुरा गर्न सक्छु ?
  • व्यक्तिगत परामर्श (किचिंग) सत्रको समयावधि कति हुन्छ ?
  • प्रश्नहरुको परिचय कसले गराएको हो ?
  • व्यक्तिगत मुल्यांकन, गहिरो अध्यन तथा प्रमाणित तथ्यमा आधारित छ भनि तपाईले कसरि प्रमाणित गर्न सक्नुहुन्छ ?
  • कम्प्युटरले कसरि मलाई करियर (वृति) परामर्श गर्न सक्छ ?
  • कति जनासम्म कार्यशालामा सहभागी हुन् सक्छन् ?
  • कहिले सम्ममा म यो कार्यशालाको लागि आवेदन गर्न सक्छु ?
  • के कार्यशालाको अन्त्यमा मैले प्रमाण पत्र हासिल गर्न सक्छु ?
  • यदि मलाई कार्यशालाको अन्त्यमा सो सम्बन्धि धेरै प्रश्नहरु सोध्न मन लागेमा के गर्ने ?
  • के आर्थिकस्तर कमजोर भएका विद्यार्थीहरुलाई केही सहुलियत दिनुहुन्छ ?
  • यो कार्यशालामा को सहभागी हुन सक्छन् ?
  • मेरो व्यक्तित्व सुहाउदो शिक्षा र पेशा हासिल गर्न कार्यशालाले कसरि मद्दत गर्दछ ?
  • मैले कार्यशालामा आरक्षित गरेको समय तालिका विर्सिए भने के हुन्छ ?
अंग्रेजी शब्दावलीको संक्षिप्त रुप सि.डी.एन् को पूर्णरुप ‘करियर दिशा नेपाल’ हुन आउछ | नेपालीमा दिशाले ‘बाटो’ वा ‘मार्ग’ लाई बुझाउछ | नेपालमा पहिलोपटक समग्र करियर (वृति) परामर्श सेवा दिएर सफल, उत्साहित, उत्प्रेरित र दक्ष जनशक्ति सिर्जना गर्न सहयोग गर्ने अभिप्रायले खोलिएको संस्था ‘करियर दिशा नेपाल’ हो | नेपालमा उपलब्ध रहेका शैक्षिक क्षेत्र र श्रम बजार अनुसार व्यक्तिगत क्षमता र व्यक्तित्व सुहाउने पेशा र शैक्षिक बाटो देखाउने उद्देश्यले युवाहरुलाई करियर परामर्श, शैक्षिक परामर्श र अनलाइन व्यक्तिगत मूल्यांकन प्रदान गर्दै आएको छ | साथसाथै विद्यार्थीहरुलाई शैक्षिक र श्रम बजारको जानकारी प्राप्त गर्न सहज होस् भनि निशुल्क अनलाइन शैक्षिक मार्ग र श्रम बजार सम्बन्धि जानकारी उपलब्ध गराएको छ |
सि.डी.एन् को उद्देश्यहरु निम्न अनुसार छन् :

  • विद्यार्थीको व्यक्तित्व सुहाउदो शैक्षिक तथा करियर (वृति) निर्णय गर्न सघाउने |
  • श्रम बजार र शैक्षिक सम्भाव्यतालाई पारदर्शी गराउने |
  • विशेषगरि टि.ई.भि.टि क्षेत्रभित्र पर्ने (व्यावसायिक शिक्षा तथा तालिमहरु) अज्ञात र वेवास्ता गरिएका पेशाहरुतर्फ प्रोत्साहन गराउने |

करियर (वृति) परामर्शलाई औपचारिक तथा अनौपचारिक शिक्षाको महत्वपूर्ण कडीको रुपमा विकास गर्ने | 

तपाईले दिएका सम्पूर्ण जानकारीहरु गोप्य रहन्छन् | तपाईसंग सम्बन्धित जानकारीहरु सिधै हाम्रो डाटावेसमा जाने हुनाले कसैले पनि प्राप्त गर्न सक्दैनन् | यदि सी.डी.एन् सेवाहरु विद्यालय तथा अन्य परामर्शकर्ताहरुले आफ्ना विद्यार्थीहरुलाई दिन चाहन्छन् भने भविष्यको विद्यार्थीहरुले राम्रो सेवा हासिल गरुन भन्ने उद्देश्यले नाम नभएको विवरण विश्लेषण गर्दछौं |

हामीले गोपनीयता, पारदर्शीता र व्यवसायिकता जस्ता पक्षहरुलाई मध्यनजर गरेर मनबाट काम गर्दछौ |

गोपनीयता: हामीलाई थाहा छकि तपाईले हामीलाई सम्पूर्ण व्यक्तिगत जानकारीहरु दिनुहुन्छ | ति जानकारी र विवरणहरु गोप्य रुपमा रहन्छन् |  यदि आवश्यक परेको खण्डमा तपाईको मन्जुरीमा मात्र उपलब्ध गराइन्छ | तपाईले परामर्श सत्रमा भनेका मौखिक जानकारीहरु पनि गोप्य रुपमा रहनेछन् |

पारदर्शीता: हाम्रो सँस्थाका सम्पूर्ण जानकारीहरु तपाईले हाम्रो वेवसाइटमा पाउन सक्नुहुन्छ | हामीले वार्षिक प्रतिवेदन र अडीट रिपोर्टहरु पनि प्रकाशित गर्दछौ |

व्यवसायिकता: हामीले परामर्श सेवा उपलब्ध गराउनु पुर्व तिन वर्ष भन्दा बढी समय नेपालका शैक्षिक सँस्था, व्यावसायिक तालिम केन्द्र, शैक्षिक प्रणाली र उपलब्ध पेशाहरुको गहिरो अनुसन्धानमा खर्चेका छौ |

‘व्यक्तित्व मुल्यांकन’ सेवा विभिन्न विकसित देशहरुमा परिक्षण तथा प्रयोग गर्दै आइरहेको पाइन्छ र नेपालमा पनि नेपाली परिवेश सुहाउदो बनाई प्रस्तुत गरेका छौ |

हामीले हृदयदेखिनै काम गरेका छौ: यो संस्थाको स्थापनाकाल देखिनै प्राय सदस्यहरुले पुरा समय, सेवाहरुको विकास गर्नमा नै समर्पित गरेका छन् | भविष्यमा तपाईले सी.डी.एन् संग काम गरेका हाम्रा ग्राहक वर्गहरुको राय पनि बुझ्न सक्नुहुन्छ |

हामीले हाम्रो सेवाहरु व्यक्तित्व मुल्यांकन र कार्यशालाहरुको धेरै पटक प्रयोग तथा प्रशिक्षण गरिसकेका छौ | परामर्श क्षेत्रमा तिन वर्ष भन्दा बढी अनुभवी दक्ष परामर्शकर्ता र परियोजनाका सम्पूर्ण सदस्यहरु गुणस्तरीय सेवा प्रदान गर्न समर्पित रहेका छन् |

नेपालका शैक्षिक क्षेत्र र श्रम बजारमा भएका परिवर्तनहरुलाई मध्यनजर गर्दै परियोजनाका सम्पूर्ण सदस्यहरुको क्षमता र ज्ञानको निरन्तर सुधार गर्दै, हाम्रा सेवाहरुलाई समय सापेक्ष विकसित गर्दै आएका छौ |

हामीले साच्चिनै तपाईहरुलाई मद्दत गर्न खोजेका हौ | हामीले नेपालको श्रम बजारमा धेरै सम्भावनाहरु देखेका छौ र यो क्षेत्रमा केही सकारात्मक परिवर्तन गर्न चाहन्छौ | यदि हामीले श्रम बजारमा तपाईको स्थान देखाउन सक्यौ भने तपाई पनि यो परिवर्तनको पात्र बन्नुहुनेछ |

हामीले तपाईको इच्छा र आवश्यकतालाई मध्यनजर गरेर सी.डी.एन् सेवाहरु लिन सुझाव गर्दछौं | सी.डी.एन् निश्चित लक्ष्यको साथ संचालित, नाफा रहित सामाजिक संस्था भएकोले हामीले पाउन सक्ने फाईदाहरु हाम्रो सेवाहरुको विकास र सुधारमा प्रयोग गर्नेछौ साथै यी सेवाहरु किन्न नसक्ने युवाहरुलाई निशुल्क सुविधा उपलब्ध गराउनेछौ |

व्यक्तिगत लगानी, अष्ट्रिया र जर्मन देशहरुबाट चन्दा संकलन गरेर हाम्रो संस्थाको सुरुवात गरेका हौ | संस्थापक सदस्यहरुले रु एक लाख भन्दा बढी लागानि सहित सी.डी.एन् सेवाहरुको विकास गर्न कार्यालय समय भन्दा अद्यावधिक समय खर्चेका छन् | प्राय संस्थाहरु वाह्य आर्थिक सहयोग बाट संचालन हुने हुनाले नेपालमा वाह्य आर्थिक सहयोग विना विकासोन्मुख कामहरु असम्भव नै ठान्दछन् | तर जसरि कपाल काट्ने हजामिले कपाल काटेको पारिश्रमिक लिन्छ त्यसरीनै हामी पनि हाम्रो सेवाहरु करियर कार्यशाला र व्यक्तित्व मुल्यांकन परिक्षणको शुल्क लिएर भविष्यको वित्तीय व्यवस्थापन गर्नेछौ |

“करियर दिशा नेपाल” लाई गैर-नाफा मुलक (संस्था दर्ता ऐन को दफा १९ बमोजिम) सामाजिक संस्थाको रुपमा दर्ता गरिएको छ | अर्थात प्राविधिक रुपमा यो संस्थाको मालिक छैनन्, तर पाँच जना संस्थापक सदस्यहरु (सरोज बास्तोला, हरि कृष्ण दाहाल, पुजन रन्जित, सुरेश कासुला र इन्गे पात्च) छन् | इन्गे पात्च नेपली नागरिक नभएको कारणले संस्थाको ज्ञापन पत्रमा चार संस्थापक सदस्यहरुको मात्र नाम भेट्टाउनु हुनेछ | संस्थाको ज्ञापनपत्र र संस्थापक सदस्यहरुको व्यक्तिगत सन्देश सी.डी.एन् को वेवसाइटमा उपलब्ध छ |

यस संस्थाका संस्थापक सदस्यहरु लामो समयसम्म युवाहरुसँग काम गर्दै आएका र युवाहरुलाई आवश्यक पर्ने करियर निर्देशन प्रणालीको कमि महशुस गरि यो संस्थाको धारणा ल्याएका हुन् |

मूलतः हामीले हाम्रा ग्राहक वर्गलाई गुणस्तरीय सेवा प्रदान गर्ने सक्दो प्रयास गर्दछौ | यदि तपाई हामीले दिएको सेवाहरुमा सन्तुष्ट हुनुभएन भने तत्काल नै हामी संग प्रत्यक्ष कुराकानी गर्न सक्नुहुन्छ | तपाईको प्रतिक्रियालाई हामीले एक-एक गरि केलाएर समाधानको उपाए खोज्ने छौ |

परामर्श एउटा आधारभूत प्रक्रिया भएकोले, हामीले दिएका सल्लाह र सुझावहरु अनुसरण गर्नु वा नगर्नु तपाईको हातमा हुन्छ | यसको मतलब तपाईको पैसा तलका मुद्दाहरुमा फिर्ता हुने छैन:

  • तपाईले फरक सेवाको अपेक्षा गरेमा (हामीले दिने सेवाहरुको उद्देश्यहरु सुरुमा नै स्पष्ट पार्ने छौ)|
  • तपाईलाई व्यक्तित्व मुल्यांकनको परिणाम मन नपरेमा |

तर विशेष केही मुद्दाहरुमा तपाईले पैसा फिर्ता पाउनुहुनेछ:

  • यदि हामीले दिने सेवा तोकिएको समय भन्दा ढिलाई भएमा |
  • यदि मनोवृत्ति मुल्यांकनको लिखित परिणाम प्रदान गर्न नसकेको खण्डमा |

यदि करियर कार्यशाला (Career Workshop) तोकिएको समय र मितिमा समापन हुन नसकेको खण्डमा र दिएको नयाँ मितिमा उपस्थित हुन नसेकेको खण्डमा |

सी.डी.एन् सामाजिक सङ्गठन भएकोले अनुदानमा विश्वास गर्दैनौ |  हामीले हाम्रा कर्मचारीहरुलाई तलव, घरभाडा साथै हाम्रो पेशा र शिक्षाको डाटावेशलाई स्थाई रुपमा निरन्तरता दिनु पर्ने हुन्छ | हामीले लिने शुल्क भनेको शृङ्गारकर्ता (Beautician)ले आफ्नो सामन सहितको पारिश्रमिक लिए जस्तै हो |
’cause, हामीले व्यावसायिक तवरले काम गरिराखेका छौ |  

हामीले तपाईलाई गुणस्तरिय र पूर्ण विकसित सेवाहरु प्रदान गरेका हौ | हाम्रा सहकर्मी कर्मचारीहरु निश्चित विषयमा तालिम प्राप्त छन् | उहाँहरुले तपाईलाई आफुसक्दो व्यावसायिक मार्ग निर्देशन गर्नु हुन्छ |

यो सेवाहरुको तयारी गर्न समय र वित्तीय लगानी बढी लागेको छ | हामीले लगभग दश हजार घण्टा भन्दा बढी समय तपाईलाई प्रदान गर्ने करियर र शैक्षिक जानकारीको तयारी प्रक्रियामा लगाएका छौ |

तपाईले भविष्यको शैक्षिक शुल्क बचत गर्न सक्नुहुन्छ | नर्सिंग कोर्षको शुल्क रु ३८०००/- देखि रु ९,४५,०००/- सम्मको छन् | यदि तपाई सहि मार्गनिर्देशन पाउनु भयो भने नौ लाख सम्म बचाउन सक्नुहुन्छ |

यदि तपाईले दुई लाख (रु २०००००/-) शिक्षाको लागि बचत गर्नु भएको छ भने जम्मा रु ६०००/- खर्च गरेर रु १,९४,०००/- बचत गर्न सक्नुहुन्छ| हाम्रो उत्कृष्ट प्याकेजको शुल्क जम्मा रु ६०००/- हो जुन तपाईले बचत गर्न सक्ने शुल्कको ०.६ प्रतिशत भन्दा पनि कम छ | यसरी सोच्नुहोस् …  

सामाजिक व्यावसाय पनि गैर सरकारी संस्था जस्तै हो | सामाजिक संस्थाले सामाजिक समस्यालाई न्यूनीकरणको लागि फाइदालाई मध्यनजर नगरी काम गर्दछ | यसरी नै हामीले पनि ‘नेपाली युवाहरुको पेशागत भविष्यका लागि पथ प्रदर्शन’ गराउने लक्ष्य बोकेर लागि परेका छौ | अन्य व्यवसायहरुको जस्तै हाम्रो सेवाहरुको पनि शुल्क लिन्छौ तर निरन्तर वाह्य अनुदान संकलन गर्नमा जोड दिदैनौ | तर पनि सामाजिक व्यवसायमा व्यवसाय भन्दा केही फरक विशेषता हुन्छ | यो संस्थाका संस्थापकहरुले सुरुवातमा लगाएको लगानीको फाइदा प्राप्त गर्दैनन् तर एक दिन लगानी भने फिर्ता गर्नेछौ | यो संस्थाका संस्थापक सदस्य वा कर्मचारीहरुले कम तलबमा काम गरिरहेका हुनाले यदि फाइदा आएमा तलव वृद्धि गर्नेछौ | नेपाली सङ्गठन भएको हैसियतले सामाजिक र वातावरणीय सम्रक्षणको लागि विशेष जिम्मेवारी वहन गरेकाछौ |

करियर (वृति) परामर्श

करियर (वृति) परामर्श आफैमा नै व्यापक अर्थ भएको शब्द हो | व्यावसायिक करियर (वृति) परमर्शकर्ताले तपाईको सामाजिक र आर्थिकस्तर, क्षमता, इच्छा र मूल्यहरू पत्ता लगाई करियर सम्बन्धि विभिन्न अन्तरक्रियात्मक र सिर्जनात्मक क्रियाकलापहरु गरि सो बमोजिमको सम्भावित व्यवसायिक भविष्यको बाटो पत्ता लगाउन सहयोग गर्दछन् |

करियर (वृति) परामर्श धेरै प्रकारका हुन्छन् | सामान्यतया, व्यक्तित्व अनलाईन मूल्यांकनको परिणाम पश्चात वा मनोवृत्ति अनलाईन मुलायांकन (Interest Based Assessment) नगरी पनि तपाईको आवश्यकता अनुसार करियर (वृति) परामर्श वा कोचिंग गरिन्छ | त्यस्तैगरी, जसरि योगा शिक्षकले योग अभ्यासको प्रत्येक श्रेणीलाई अनुशरण गर्न मार्गनिर्देशन गर्दछन् त्यसरी नै हामीले क्षमतामा आधारित मुलायांकन (competence Assessment) कार्यशालामा तपाईको प्रतिविम्ब पहिचान गर्ने प्रक्रियामा प्रत्येक सहभागीहरुलाई परामर्श गर्दछौं |

तपाईको करियर (वृति) सम्बन्धि समस्या अनुसार हामीले विभिन्न समाधानका उपाएहरु बताउछौ |

हाम्रो अनुसन्धानले देखाए बमोजिम राजाधानीका ७५% भन्दा बढी विद्यार्थीहरु आफ्नो शिक्षा र करियर छनोटको दुविधामा रहेको पाइन्छ | पेशागत र शैक्षिक निर्णय गर्ने जस्तो चुनौतिपूर्ण प्रक्रियामा तपाईलाई मार्गनिर्देशनको आवश्यकता पर्दछ भन्ने हामीले बुझेका छौ |

प्रायजसो, अभिभावकहरुले बच्चाहरुको उच्च शिक्षाको लागि धेरै पैसा खर्चेका हुन्छन् | यदि तपाईले चाहनुहुन्छ भने हामीले तपाईको व्यक्तित्व अनुसारको उचित शैक्षिक र व्यवसायिक जीवन छनोट गर्न सहयोग गर्नेछौ |

छोटकरीमा भन्नु पर्दा, समग्र करियर परामर्श संचालन गर्ने नेपालकै पहिलो संगठन सी.डी,एन् हो | हामीले नेपालमा संचालनमा रहेका शैक्षिक र श्रम बजारको यूरोपेली विधिहरु प्रयोग गरेर व्यापक अनुसन्धान गरेका छौ |

यो परियोजना संचालन गर्नु पहिला नेपालमा उपलब्ध पेशागत क्षेत्रहरु र सो पेशाको अनुसरण गर्न वैकल्पिक शिक्षाहरुको ’boutमा कुनै पनि तथ्यांक भेटाउन सकिदैन | हामीले यी सम्पूर्ण तथ्यांकहरु संकलन गरेका छौ र अनुभवी करियर (वृति) परामर्शकर्ताले तपाईको फाइदाको लागि चरणवद्ध तरिकाले यी तथ्यांकहरुको प्रयोग गर्दछन् | सी.डी.एन् का सम्पूर्ण सदस्यहरु र अष्ट्रियालि करियर परामर्शकर्ता संगको निरन्तर सम्पर्कमा रहेर हप्तौ सम्म संकलित शैक्षिक र पेशागत तथ्यांकको ’boutमा छलफल गरेका छौ | छलफलको क्रममा अष्ट्रियालि  करियर परामर्शकर्ताले हामी संग नेपालमा नभएको करियर सम्बन्धि जवाफ दिन मद्दत गरेकी छन् |  

सर्वप्रथम, हामीले कन्सल्टेन्सीले जस्तो कुनैपनि कलेज वा विश्वविद्यालय वा पेशामा नियुक्ति गर्दैनौ | हामीले युवाहरुको क्षमता, मूल्यहरू र इच्छित पेशा अनुसार दिशा निर्देश गर्दछौ |

हामीले नेपालमा भएका सम्भावनाहरुमा केन्द्रित भई भविष्यका श्रम शक्तिहरुलाई नेपालमानै शिक्षा र व्यवसायिक तालिमको बन्दोबस्त मिलाउन सघाउनेछौ | हामीले नेपालका शैक्षिक सम्भावनाहरुको ’boutमा व्यापक छलफल गर्नेछौ र नेपालीहरुलाई वैदेशिक रोजगार भन्दा पनि नेपालमा रहेका पेशाहरु अगाल्न प्रोत्साहन गर्नेछौ |

त्यस्तैगरी, हाम्रो सेवाहरु, शैक्षिक पेशाहरुमा मात्र सिमित नभई छोटो र लामो अवधिको व्यवसायिक तालिम प्राप्त गरेर गर्न सकिने पेशा तर्फ पनि उत्प्रेरित गर्दछौ |

त्यसैले, नाफा उन्मुख कन्सल्टेन्सीको तुलनामा निश्चित लक्ष्य लिई नेपाली युवाहरुलाई व्यवसायिक करियर परामर्श प्रदान गर्न अवस्थित छौ |

करियर (वृति) परामर्शबाट आफ्नो भविष्यको पेशागत निर्णय गर्नको लागि आवश्यक ज्ञान प्राप्त गर्नुको साथसाथै पेशागत छनोटमा आएका कठिनाइ अनुसार प्राप्त गरेको परामर्श सत्रहरुको सहायताले तपाईमा भएका क्षमताहरुको स्वयंले मूल्यांकन गर्न सक्नुहुनेछ | तपाई स्वयंले आफ्नो व्यक्तित्व अनुसारको शैक्षिक र पेशागत बाटो पहिल्याउन सक्नुहुनेछ |

करियर (वृति) परामर्श कति पटक लिने भनि तपाईमा निर्भर रहन्छ:

तपाईको पेशागत छनोटको कठिनाइ अनुसार र तपाईको बुझाईको स्थरमा भर पर्दछ | समान्यतया, युवाहरुले आफुले रोजेको पेशामा विश्वस्त हुनको लागि ३ देखि ४ वटा परामर्श सत्र लिने गर्दछन् |

गर्दैनौ |   

हामीले तपाईको व्यक्तित्व अनुसारको पेशाहरु छनोट गर्न सहज बनाउछौ साथसाथै उक्त पेशा प्रदान गर्ने रोजगारदाताहरु, सम्बन्धित पेशाको लागि आवश्यक क्षमताहरु पत्ता लगाउन पनि सहयोग गर्दछौ | तर हामीले तुरुन्तै काम पाइहाल्ने करियर छनोट गर्दिनभने सक्दैनौ |

सक्दैनौ

व्यक्तिगत कोचिंग (परामर्श) सत्र (Individual Coaching Sessions)

तपाईले अनलाईन व्यक्तित्व मूल्यांकन (Online Assessment) भरिसके पछी, हामीले तपाईको व्यक्तिगत विवरण तयार पार्दछौ | हामीले सुरुमा व्यक्तिको व्यक्तित्व अनुसारको कम्तिमा १० ओटा पेशाहरु र प्रत्येक पेशाको लागि आवश्यक शैक्षिक वा व्यावसायिक तालिम सिफारिस गर्दछौ | तपाईलाई व्यक्तिगत कोचिंग (परामर्श) सत्र दिनुको मुख्य कारण भनेको उक्त पेशाहरु किन र कसरी सिफारिस गरियो र व्यक्तिगत विवरण कसरि पढ्ने भनि सिकाउनलाई हो |  त्यस्तैगरी, यो परामर्श सत्रमा करियर सम्बन्धि केही पक्षहरुको ’boutमा छलफल गर्न सक्दछौ |  जस्तै: तपाईमा भएको विशेष चासोको विषयले वा परिवारको पृष्ठभूमिले पनि करियर छनोटमा प्रभाव पार्न सक्दछ |

उदाहरणको रुपमा भन्नुपर्दा अनलाईन मूल्यांकन भनेको गोलभेंडा र चिजको पिज्जा जस्तै हो जुन सबैलाई उस्तै देखिन्छ तर व्यक्तिगत कोचिंग (परामर्श) सत्रमा तपाईको चाहना बमोजिमको पिज्जामा राखेको खानाको मात्र पनि कुरा गर्न सकीन्छ |

यदि तपाईले व्यक्तित्व मुल्यांकन पश्चात प्राप्त गरेको व्यक्तिगत विवरण सम्बन्धि स्पष्ट हुनुहुन्छ भने तपाईलाई व्यक्तिगत कोचिंग (परामर्श) सत्र आवश्यकता पर्दैन | तर तपाईले प्राप्त गरेको परिणाम पश्चात पनि करियरको लागि के गर्ने भनि अन्योलमा हुनुहुन्छ भने हामीले तपाईलाई हाम्रो कार्यशाला वा व्यक्तिगत कोचिंग (परामर्श) सत्रमा सहभागी हुन आग्रह गर्दछौ |

यो सत्रमा तपाईको पेशा वा पेशागत करियर सम्बन्धि सबै प्रकारका प्रश्नहरु गर्न सक्नुहुन्छ | अनलाईन प्रशिक्षणको परिणाममा सिफारिस गरिएका पेशाहरुको ’boutमा, उक्त पेशा प्राप्त गर्न आवश्यक पर्ने शैक्षिक बाटोको ’boutमा,  शैक्षिक विकल्पहरु मध्ये छनोटको कठिनाईमा सहजकता को लागि विभिन्न प्रश्नहरु सोध्न सक्नुहुन्छ | साथै शैक्षिक स्थानको ’boutमा पनि कुरा गर्न सक्नुहुन्छ | तपाईका प्रश्नहरुलाई परामर्शकर्ताले गोपनीयता राख्नुको साथै प्रश्नहरुको सहि उत्तर पत्ता लगाउन सघाउनुहुनेछ |  

यदि तपाई मानसिक तनाव वा मनोवैज्ञानिक रोगबाट ग्रसित हुनुहुन्छ भने हाम्रो सेवा मनोवैज्ञानिक परामर्श होइन | यदि तपाईका प्रश्नहरु मनोविज्ञान सम्बन्धित छन् भने हाम्रा मनोवैज्ञानिक परामर्श तालिम प्राप्त परामर्शकर्ता वा विशेष यो क्षेत्रमा कार्यरत विशेषज्ञ सामु जान आग्रह गर्छौ |

सामान्यतया, व्यक्तिगत परामर्श (किचिंग) सत्र जम्मा ३० मिनेटको रहन्छ | तरपनि घटना वा विषयवस्तु र तपाईको प्रश्नहरुको आधारमा यो सत्र १५ देखि ६० मिनेट समयावधिको हुन्छ |

मूल्यांकन

सुरुवातमा, स्विजरल्याण्डकी मनोवैज्ञानिक परामर्शकर्ता बेटिना ज्ञाम्पर्लीले नेपालका युवा विद्यार्थीहरुमा करियर (वृति) सम्बन्धि सचेतनाको ’boutमा अध्यन गर्नको लागि प्रश्नहरु तयार पारेकी हुन् | त्यसपछीको थप प्रश्नहरु यो क्षेत्र सम्बन्धित नेपालका अनुभवी विशेषज्ञहरुले निर्माण गरेका हुन् |
तपाईले दिएको १७० भन्दा बढी प्रश्नहरुको उत्तरमा आधारीत रहेर सन्क्षिप्त व्यक्तिगत, व्यवसायिक अभिमुखीकरण विवरण तयार पार्दछौ | साथसाथै ३२० भन्दा बढी पेशाहरुमा आवद्ध रहेका विशेषज्ञहरुको तथ्यांकमा तपाईले दिएको व्यक्तित्व सम्बन्धि जानकारी मिलाउछौ त्यसमध्येमा तपाईको व्यक्तित्वसंग धेरै मेल खाने केही पेशा मात्र सिफारिस गर्दछौ |
तपाईको व्यक्तित्व बुझ्नको लागि तपाईले भर्ने मूल्यांकन ४ भागमा विभाजित गरिएको छ | तपाईले प्रदान गरेको जफावले तपाईको व्यक्तित्व बुझ्नको लागि हामीले निश्चित प्रणालीको प्रयोग गर्छौ र व्यक्तित्व विवरण पत्ता लगाउछौ | कुनैपनि पक्षपात नगरी, तपाईको व्यक्तित्वलाई ३२० भन्दा बढी पेशाहरुसंग मिलाउछौ | यसरी कम्प्युटर र व्यवसायिक करियर परामर्शकर्ताले गरेको गणना एकै हुन आउछ |

कार्यशालाहरु

सामान्यतया, १० जना भन्दा बढी कार्यशालामा सहभागी हुन सक्छन् |
कार्यशाला सुरु हुने २ दिन अगाडि सम्ममा कार्यशालामा सहभागी हुन आवेदन गर्न सक्नु हुन्छ | 
हामीले तपाईलाई कार्यशालाको पूर्ण अनुभव दिलाउन चाहन्छौं, परामर्श सत्रमा प्रमाण पत्र आवश्यक कुरा भने होइन तरपनि हाम्रा इन्टेग्रल, पर्सनालिटी, फोकस र करियर प्याकेजहरु लिए बापत सहभागी प्रमाणपत्र भने दिलाउने छौ |
तपाईले कार्यशाला पश्चात, परामर्शकर्ता संग ५-१० मिनेट समयको प्रबन्ध मिलाउन सक्नुहुन्छ | यदि तपाईलाई अझ बढी प्रश्नहरु सोध्न मन लागेमा करियर (वृति) परामर्श सत्र  बुक गर्न सक्नुहुन्छ |
यदि उक्त युवा, उसको अभिभावक शुल्क तिर्न असमर्थ छन् भने अवश्य सहयोग गर्नेछौ तर उनीहरुले आफ्नो आर्थिकस्तर कमजोर भएको प्रमाणित गर्नु पर्ने हुन्छ | 
यो कार्यशालामा सबैजना सहभागी हुन सक्दछन् | तपाई कुनै विशेष विद्यालय, कलेज वा विश्वविद्यालयमा अध्यन गरेको हुनुपर्दैन |

फरक कार्यशालाहरुको फरक लक्षित समुह छन् | तर पनि तपाई जुनसुकै कार्यशालामा पनि सहभागी हुन सक्नुहुन्छ | कुनै कार्यशाला अरुलाई भन्दा तपाईलाई अझ बढी उपयुक्त हुन सक्छ त्यसको लागि तपाईले हाम्रो वेवसाइटमा गई निश्चित गर्न सक्नुहुन्छ |

सुरुमा कार्यशालामा तपाईको इच्छा र क्षमताको आधारमा कुन पेशा धेरै ठिक हुन्छ भनि करियर (वृति) परामर्शकर्ताले प्रतिक्रिया दिन्छन् |

कुनै पनि विषय प्रति तपाईमा भएको उत्प्रेरणाले सिकाईलाई सकारात्मक प्रभाव पारेको हुन्छ | यदि तपाईले भविष्यमा गर्न चाहेको पेशा सम्बन्धित अध्यन गर्नु भयो भने सहज तरिकाले, उत्साहित पुर्वक कोर्ष समापन गर्न सक्नुहुन्छ | तपाईलाई मन नपरेको विषयको तुलनामा उच्च अंक हासिल गर्न पनि सफल बन्नुहुन्छ |

तपाईको उक्त शिक्षामा ल्याएको उच्च अंक र व्यवसायिक तालिम बाट लिएको अनुभवले सो सम्बन्धित पेशा खोज्न सजिलो हुनुको साथै एउटै पेशामा लामो समयावधि सम्म काम गर्न (टिक्न) सक्नुहुन्छ |

तपाईले हाम्रो प्रमुख कार्यालयमा सम्पर्क गरेर आफु सहभागी हुन नसकेको कारण खुलाउनु पर्ने हुन्छ | त्यसपछि, हामीले तपाईलाई अर्को कार्यशालाको समय तालिका मिलाउने छौ |