एसईई परीक्षा शुरु

नेपालमा पहिलो पटक माध्यमिक शिक्षा परीक्षा (एसईई) आजबाट शुरु भएको छ | विगत वर्षहरुमा कक्षा १० को अन्तिम परीक्षाको रुपमा सञ्चालन हुने प्रवेशिक परीक्षा (एसएलसी) हटाएर पहिलो पटक माध्यमिक शिक्षा परीक्षा (एसईई) सञ्चालन भएको छ |

संशोधित शिक्षा ऐनअनुसार कक्षा १२ सम्म माध्यमिक तहकायम भएपछि कक्षा १० को परीक्षालाई माध्यमिक शिक्षा परीक्षा (सेकेण्डरी एजुकेसन एक्जाम) (एसईई) नामकरण गरिएको छ | तर पुरानै एसएलसीको शैली, नियमावली, निर्देशिकाको आधारमा परीक्षा शुरु भएको हो | शिक्षा ऐनमा राष्ट्रिय परीक्षा बोर्डले क्षेत्रीयस्तरमा परीक्षा गर्ने उल्लेख भए पनि बोर्डका क्षेत्रीयस्तरका स्थायी संरचना नबनेका कारण केन्द्रीयस्तरमै परीक्षा सञ्चालन हुन लागेको हो । पहिलेको उच्च माध्यमिक शिक्षा परिषद्का जिल्लास्थित कार्यालयलाई परीक्षा बोर्डका रूपमा स्थापित गरे पनि पूरै संरचना भने तयार नभएको अवस्थामा एसएलसीका नामबाट सञ्चालन हुने कक्षा १० को अन्तिम परीक्षा राष्ट्रिय परीक्षा बोर्डले दिएको अधिकार प्रयोग गरी साबिकको परीक्षा नियन्त्रण कार्यालयले गर्न लागेको हो ।

एईई परीक्षा मर्यादिद, भयरहित, शान्तिपूर्ण रुपमा सम्पन्नको निम्ति देशभरि १ हजार ९ सय २३ परीक्षा केन्द्र त्यति नै संख्यामा केन्द्राध्यक्ष, २ हजार ६ सय ४६ सहायक केन्द्राध्यक्ष, २२ हजार ४ सय ६१ निरीक्षक, सहयोगी र सुरक्षाकर्मीसहित ६७ हजार ५ सय ९१ जनशक्ति परीक्षामा खटाइएको साथसाथै परीक्षा अनुगमनका निम्ति शिक्षा मन्त्रालयले सहसचिवको नेतृत्वमा १८ वटा अनुगमन टोली जसमा क्षेत्रीय शिक्षा निर्देशनालय र जिल्लामा माध्यमिक शिक्षा परीक्षा समन्वय समितिको अनुगमन टोली रहने परीक्षा नियन्त्रक अम्बिकाप्रसाद रेग्मीले जानकारी दिए । (स्रोत: एजेन्सी)

Comments are closed.