छोराछोरीको पेशागत भविष्य प्रति अभिभावकको भूमिका

प्राय छोराछोरीहरुको सफल भविष्य निर्माणको लागि अभिभावकहरु निरन्तर रुपमा लागि परेका हुन्छन् | अवश्य पनि, प्रत्येक आमाबाबुहरुले आफ्नो छोराछोरीहरुको स्वस्थ र आनन्ददायी व्यावसायिक जीवनको परिकल्पना गरेका हुन्छन् |

म मेरो बालबालिकाहरुको सफल भविष्यको लागि के गर्न सक्छु ?

हरेक बच्चाहरु एकअर्कामा भिन्न किसीमका विशेषता र जिज्ञासा बोकेका हुन्छन् | प्राय अभिभावकहरु उक्त जिज्ञासाहरु समाधान गर्न प्रयत्नरत रहन्छन् र सफल पनि हुन्छन् | तरपनि केही अभिभाबकहरु बालबालिकाको चाहानालाई वेवास्ता गरि, आफुले पुरा गर्न नसकेको सपनाहरु उनिहरुले पुरा गरिदिउन् भन्ने चाहनुको साथै आफ्नो सपना तर्फनै निर्देशन गराइरहेको पाइन्छ |

बालबालिकाहरुको जीवनको लागि वाल्यअवस्था किन महत्वपूर्ण रहन्छ ? 

उमेरअनुसार बालबालिकाहरुको शारीरिक तथा भावनात्मक विकास हुने क्रममा विभिन्न परिवर्न आउनु स्वभाविक नै हो, साथसाथै वाह्य कुराहरु, नयाँ-नयाँ साथीहरु बनाउनु, र शैक्षिक जिम्वेवारी बहन गर्नुले उनीहरुमा थप तनाव सिर्जना गराएको हुन्छ | यो समयमा उनीहरुलाई यी सबै कुराहरुसंग सजिलै घुलमिल हुनको लागि सहि निर्देशन, साथीहरु र सुमधुर वातावरण सिर्जना गर्नको लागि अभिभावकको आवश्यकता पर्दछ |

बालबालिकाहरुले सहि करियर निर्णय गर्न नसक्नुका कारणहरु के-के हुन् ?  

  • कहिलेकाहि अभिभाबकहरुले आफ्ना बालबालिकाहरुको चाहना र समस्याहरु बुझन सक्दैनन्, परिणामस्वरूप बालबालिकाहरुले पूर्ण निर्देशन नपाएको महसुस् गर्दछन् | यस्तो किसिमको प्रतिकुल वातावरणमा बालबालिकाहरुले अभिभाबकलाई आफ्नो भावनाहरु खुलेर भन्न सक्दैनन् |
  • अर्को तर्फ अभिभाबकहरुको समयको व्यस्तताले गर्दा पनि बालबालिकालाई समय दिन नपाई उनीहरुसंग भएका क्षमता, चाहना र मुल्यहरु पत्ता लगाउन सक्दैनन् |
  • केही अभिभावकहरुले समाजले उच्च दर्जा दिएका केही पेशाहरु, डाक्टर, पाइलट, इन्जिनियर, नर्स जस्ता पेशाहरु आफ्ना बालबालिकाले गरुन भन्ने चाहन्छन् र यी पेशाहरु गर्नको लागि आग्रह गर्दछन् तर प्रत्येक बालबालिकाहरु एकआपसमा फरक क्षमता, इच्छा र मुल्यहरु बोकेका हुदा यी पेशाहरुमा मात्र सन्तोषजनक करियर प्राप्त गर्न सक्दैनन् |

यी कुराहरुले गर्दापनि अभिभावक र बालबालिका बीचको दुरी बढ्न जान्छ |

समाधानका उपायहरु के हुन सक्छन् ?

बालबालिकाहरुलाई यो काम गर्न सक्दैनस, यो नगर-त्यो नगर जस्ता निरासाजनक वाक्यहरु प्रयोग गर्नु भन्दा उनीहरुमा रहेका तर पत्ता लगाउन नसकेका इच्छा, क्षमता र मूल्यहरूको खोजि गरि सो अनुसार करियर निर्णय गर्न सघाउनु नै सफल भविष्य निर्माणको लागि अर्थपूर्ण कदम हुन सक्छ | यदि बालबालिकाहरुको बढ्दो उमेरको क्रममा देखा पर्ने शारीरिक तथा मानसिक परिवर्तनको साथै करियर तथा शैक्षिक निर्णय सम्बन्धि समस्या र अन्य तनावलाई सुमधुर वातावरण सिर्जना गराई सुल्झाउन नसकेको अवस्थामा व्यावसायिक करियर परामर्शकर्ताको सहयोग लिनु धेरै उपयोगी हुन्छ | करियर परामर्शकर्ताहरुले संरचनात्मक तवरबाट शिक्षा तथा करियर सम्बन्धि विभिन्न सल्लाह दिनुको साथै विभिन्न करियर सम्बन्धि कार्यशाला र क्रियाकलापहरु मार्फत तपाईको बालबालिकामा भएको इच्छा, क्षमता र मूल्यहरू पत्ता लगाई सो अनुसार करियर छनोटमा सहयोग गर्दछन् | साथै नेपालमा ३०० भन्दा बढी पेशाहरु उपलब्ध छन् | जसलेगर्दा बालिकाहरुले व्यक्तित्व सुहाउदो पेशा छनोट गर्दा धेरै पेशाबाट आफ्नो व्यक्तित्व, इच्छा, क्षमता सुहाउदो पेशा छनोट गर्न सक्दछन् |

बालबालिकाको सफल भविष्यको लागि के गर्ने, कसरि गर्ने भनि चिन्तित भएर समय विताउनु भन्दा पनि सो समय बालबालिका संग समभावपूर्ण संचार गरि व्यक्तित्व सुहाउँदो शिक्षा र करियर छनोटमा सहयोग गर्नु पर्दछ | अभिभावकहरुले बालबालिकाहरुको सुमधुर भविष्यको निर्णय गर्न सघाउनको लागि योजनाबद्ध रुपमा निर्माण भएका व्यक्तित्व मुल्यांकन पनि गराउन सक्दछन् | जहाँ ‘करियर दिशा नेपाल’ सम्पूर्ण करियर परामर्श प्रदान गर्ने निकाय हो | जसले तपाईको बालबालिकाहरुसंग छलफल गरि, करियर सम्बन्धि विभिन्न क्रियाकलापहरु गराई, उनीहरुमा रहेका इच्छा, क्षमता र मूल्यहरू पत्ता लगाउन सघाउछ | साथै नेपालमा उपलब्ध श्रम बजारको जानकारी दिलाउछ | त्यसैले, तपाई आफ्नो बालबालिकामा प्राकृतिक रुपमा नै रहेको क्षमता पहिचान गर्नको लागि सचेत रहनु पर्दछ | एक्काईसौं सताब्दी भनेको विकल्पहरुको संसार हो जसले प्रत्येक बालबालिकाहरुको फरक सपनाहरु पुरा गर्ने अवसर प्रदान गरेको छ | त्यसैले आफ्नो बालबालिकाहरुलाई सहि करियर छनोट गर्न सहयोग गर्नुहोस् र उत्प्रेरणा दिनुहोस् जसको अर्थ विमान गन्तव्य स्थलमा पुग्नको लागि इन्जिन जडान गरे सरह हो |

Comments are closed.